Eki azamat gazdan ýlanyp qaıtys boldy - QR TJM
ASTANA. QazAqparat - Atyraý oblysynyń Qulsary qalasynda 1996 jyly týǵan azamat peshtiń isten shyǵý saldarynan gazdan ýlanyp qaıtys boldy. Tótenshe jaǵdaı saǵat 07.35 shamasynda jekemenshik sektorda ornalasqan jeke úıde oryn alǵan. Oqıǵa ornyna kelgen tótenshe jaǵdaılar qyzmetkerleri 18 jastaǵy azamattyń máıitin tapqan.
Sondaı-aq, Shymkent qalasynda kópqabatty turǵyn úılerdiń birindegi gaz qondyrǵysynyń isten shyǵý saldarynan bir adam qaıtys boldy, dep habarlaıdy QR TJM baspasóz qyzmetinen.
Oqıǵa Shymkent qalasy, Sh.Qaldaıaqov kóshesi 2 úı, 21 páterde oryn aldy. Saǵat 11.40 shamasynda bes qabatty turǵyn úıdegi tabıǵı otynmen jumys isteıtin gaz qondyrǵysy isten shyqqan. Nátıjesinde 1981 jyly týǵan azamat gazdan ýlanyp, jan tapsyrǵan.
