Eki aıda turǵyn úıden shyqqan órtten 60 qazaqstandyq mert bolǵan
ASTANA. QazAqparat - QR ІІM TJK turǵyn úılerden shyqqan órtten adamdar eń kóp qaza tapqan oblystardy málim etti, dep habarlaıdy «QazAqparat» HAA.
Vedomstvonyń resmı ókili Rýslan Imanqulovtyń habarlaýynsha, Qazaqstanda órttiń 68%-y turǵyn úı aýdandarynda shyǵýda. Osylaısha, 2017 jyly turǵyn úı alańyndaǵy órttiń jalpy sany 10 myńnan asqan. 2018 jyly 2 aıdyń ishinde turǵyn úı alańynda 1475 órt bolǵan.
«Eki aıdyń ishinde turǵyn úı alańynda shyqqan órt kezinde 60 adam (onyń ishinde 4 bala) qaza tapsa, 90 adam (onyń 25-i bala) jaraqat alǵan», - dep atap ótti R.Imanqulov.
Sondaı-aq, turǵyn úı alańyndaǵy órt boıynsha kósh bastaǵan oblystar ataldy.
Órtten eń kóp qaza tapqan adamdar Almatyda - 9, Shyǵys Qazaqstanda - 9, Pavlodarda - 9, Aqmolada - 8, Qaraǵandyda - 7, Soltústik Qazaqstan oblysynda - 6 adam tirkelgen. Turǵyn úıdegi órt kezinde eń kóp jaraqat alǵan adamdar sany Astanada - 17, Qaraǵandyda - 15, Almatyda - 13, Qostanaıda - 10, Pavlodar oblysynda - 10.
Sondaı-aq, TJK turǵyndarǵa órt qaýipsizdigi erejelerin saqtaýǵa keńes beredi. 
