Eki aıaqty marǵaý Instagram juldyzyna aınaldy
ASTANA. QazAqparat - Aldyńǵy eki aıaqsyz týylǵan marǵaýdyń Instagram jelisindegi paraqshasyna 1 aı ishinde 50 myń adam jazylǵan, dep habarlady www.24.kz.
Al onyń ıesi Djekı Dık Eıkı (Jackie Deak Akey) mysyqty janýarlarǵa arnalǵan beıimdeý ortalyǵynan ótken jylǵy qazanda alyp ketken eken. Qojaıyny marǵaýǵa Lil' Bunny Sue Roux («Kójek Sıý Rý») degen at qoıǵan. Onyń aıtýynsha, Rý úıge tez beıimdelip, qolǵa úırenisken. Júrisi de shapshań. Qajet bolsa Rý artqy eki aıaǵymen kengýrýlarsha júgiredi eken. Ol barlyq mysyqtar sııaqty tamaq jegendi, denesin kerip uıyqtaǵandy, oıynshyq tyshqanmen oınaǵandy unatady. Al keleshekte mysyqtyń ıesi oǵan protez kıgizýdi josparlaýda. Sebebi nebári 2 aıaqpen arly-beri júgire berý onyń densaýlyǵyna zııan keltirýi múmkin, dep jazady lenta.ru.
