Eki aıaǵynan birdeı aıyrylǵan búldirshin qaıta jer basyp júretin boldy

 «Vestı.Ru» saıtynyń habarlaýynsha, jergilikti hırýrg Pedro Kavadas kólik apaty saldarynan eki aıaǵynan birdeı aırylǵan balanyń dene múshelerin qaıta sátti otyrǵyzyp shyqty.

 Apattyń saldarynan búldirshin eki aıaǵynan da aıyrylǵan bolatyn. Ádette mundaı sátterde zaqymdanǵan músheni kesip alyp tastaıdy deıdi sala mamandary. Alaıda, ıspandyq dáriger naýqasqa ota jasaýǵa bel býǵan. P.Kavadas óziniń bul áreketiniń nátıjeli shyǵatynyna senimdi bolypty. Óıtkeni ol óz tájirıbesinde dál osyǵan uqsas operatsııany buryn da jasaǵan.
Balaǵa óz aıaqtaryn qaıta otyrǵyzý otasy týra 6,5 saǵatqa sozylypty. Dárigerlerdiń sózine sensek, naýqas bir aptadan keıin-aq tósekten turyp, júrip ketedi. Alaıda, keıbir býyndardy qalpyna keltirý múmkin bolmaǵandyqtan, onyń biri ımplantantpen almastyrylǵan. Al, balanyń bir aıaǵy ekinshisinen qysqa bolyp qalmaý úshin sol ımplantantty belgili bir ýaqytta aýystyryp otyrý qajet eken, dep jazady  BAQ.KZ portaly.