Eki aıaǵynan aıyrylǵan Parafıevanyń isi boıynsha sot úkimi shyqty
ALMATY. QazAqparat - Almatyda Ekaterına Parafıevanyń eki aıaǵynan aıyrylýyna sebep bolǵan jol apatyndaǵy avtobýs júrgizýshisi Dáýren Jańabaevtyń 2 jylǵa bas bostandyǵy shekteldi, dep habarlaıdy QazAqparat tilshisi.
Avtobýs júrgizýshisine QR QK 345-babynyń 2-bóligi boıynsha (Abaısyzda adamnyń densaýlyǵyna aýyr zııan keltirýge ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) aıyp taǵylǵan bolatyn.
«Dáýren Jańabaev QR QK 345-babynyń 2-bóligi boıynsha qylmysy tolyq dáleldendi. Sondyqtan sottalýshy aıypty dep tanylyp, 2 jylǵa bas bostandyǵynan shekteý týraly úkim shyǵaramyn. Sonymen qatar, Jańabaev 3 jylǵa kólik júrgizý quqyǵynan aıyryldy. Sonymen qatar, Jańabaev jábirlenýshige 2 mln teńge kóleminde moraldyq shyǵyn tóleýge mindetteldi», - dedi Bostandyq aýdandyq sotynyń sýdıasy Araı Nuǵymanova.
Al memlekettik aıyptaýshy 1 jylǵa bas bostandyǵynan, 3 jyl kólik júrgizý quqyǵynan aıyrý jazasyn suraǵan bolatyn.
Sonymen qatar, sýdıa atalǵan is boıynsha 3 jeke qaýly shyǵardy.
Olardyń birinshisi qalalyq Bilim berý departamentine qatysty bolyp otyr. Sýdıanyń aıtýynsha, mektep dırektory men oqytýshylary balalardy tasymaldaý kezinde avtobýs ıesimen kelisimge otyrmaǵan.
Ekinshi qaýly Almaty ákimdigine qatysty oqyldy. Onda sýdıa ákimdiktiń kommýnaldy qyzmetin jaýapkershilikke tartýdy qaýly etti.
Úshinshi qaýlyda sýdıa qalalyq ІІD qyzmetkerlerin tergeý amaldaryn oryndaýda jibergen olqylyqtaryn qaıta qalpyna keltirýdi tapsyrdy.
Munyń aldynda jábirlenýshi tarap sýdıadan isti qosymsha saraptamaǵa jiberýdi suraǵan bolatyn.
Sonymen qatar, Parafıevanyń qorǵaýshysy Janna Ýrazbahova tek avtobýs júrgizýshisin ǵana emes, Toıota Kamrı júrgizýshisin de, ashyq qalǵan lıýkke jaýapty kommýnaldy qyzmet ókilderin de jaýapqa tartýdy suraǵan edi.
Eske sala keteıik, E. Parafıeva 16 maýsymda Almaty qalasyndaǵy ál-Farabı dańǵylynda bolǵan jol apatynan japa shekken bolatyn.
Honda CRV kóligin tizgindegen qyzdar ashyq lıýkke kirip ketip, kólik dóńgelegin jaryp alǵan. Sodan jol shetine toqtap, syrtqa shyǵyp, kólikterin qarap jatqan kezde ortańǵy jolaqta kele jatqan Toyota Camry mashınasyn avtobýs soqqan. Qatty soqqydan Toyota Camry aınalyp, artqy jaǵymen Honda CRV kóligin urǵan. Saldarynan qyzdar ortada qysylyp qalyp, bireýi eki aıaǵynan aıyryldy.
