Eki aıaǵynan aıyrylǵan qyz: Aıaǵyma nyq turýǵa mindettimin
ALMATY. QazAqparat - Eki aıaǵynan aıyrylǵan almatylyq kelinshek Ekaterına Parafıeva jigerge toly jazba jarııalady, dep habarlaıdy QazAqparat tilshisi.
Kelinshek túsinde taý ústinde kele jatqanyn kórgen eken.
«Búgin óte keremet tús kórdim. Taýǵa shyǵyp barady ekenmin. Aqyryn qadam basyp kelemin. Bárinen ozyp keledi ekenmin. Taýǵa shyqqanda qandaı keremet sezimde bolǵanym esime túsip ketti. Zańǵar taýlardyń keremet kórinisin kórmeı ómir súrý múmkin emes sııaqty... Sosyn bul jaǵdaı seniń ómirińniń ajyramas bir bóligi ekenin túsinesiń. Búgin jaqsy kóńil kúımen oıandym. Óz ishimnen aıaǵyma nyq turýǵa mindetti ekendigimdi taǵy da uǵyndym», - dedi ol.
Qazir Katıa belgili erikti, jattyqtyrýshy Kıra Ýdartsevanyń kómegimen ońaltý sharalarynan ótip jatyr. Arnaıy jattyǵýlardyń kómegimen ol protez kııýge daıyndalmaq.
Eske sala keteıik, jol apaty 16 maýsymda Almaty qalasyndaǵy Ál-Farabı dańǵylynda bolǵan. Honda CRV kóligin tizgindegen qyzdar ashyq lıýkke kirip ketip, kólik dóńgelegin jaryp alǵan. Sodan jol shetine toqtap, syrtqa shyǵyp, kólikterin qarap jatqan kezde ortańǵy jolaqta kele jatqan Toyota Camry kóligin avtobýs soqqan. Soqqydan Toyota Camry kóliginiń artqy bóligi ushyp kelip Honda CRV kóligin soǵady. Saldarynan qyzdar ortada qysylyp qalyp, bireýi eki aıaǵynan aıyrylǵan bolatyn. Al ekinshi qyz №7 qalalyq aýrýhanananyń nevrologııa bólimine jatqyzyldy.
