«Eki aıaǵymen mektepke barýdy armandaımyn» deıdi 14 jasar jetkinshek

 Aýdandyq, oblystyq jarystarda top jarǵan Jambyldyń bolashaǵynan úlkender de kóp úmit kútken-di. Alaıda, búginde bıik asýlardy baǵyndyrýǵa bel býǵan bala Jambyldyń armandary qol jetpes qııaǵa alystap ketkendeı.

Jaqynda Jambyl oblysynyń týmasy Jalǵas Jambyl Almaty qalasyndaǵy onkologııalyq ǵylymı zertteý ınstıtýtynyń pedıatrııa bóliminde em qabyldap, úıine oraldy. Óıtkeni, jańa oqý jyly jaqyndap qalǵan edi. ıAǵnı, ol qatarynan qalmaı mektepke barýy kerek-tin. Ókinishke qaraı, Jambyldyń «óz aıaǵymmen mektepke barsam degen jalǵyz tilegi» endi kemi alty aıǵa sozylatyn túri bar. Bul týraly biz Jambyldyń halin bilý maqsatynda ata-anasyna habarlasqanda kezde estip, bildik. «Balamyzdy keshe ǵana úıge alyp kelgen edik. Biraq, Almatydaǵy aýrýhanada aıaq asty jaǵdaıy nasharlap, bir kún jansaqtaý bóliminde jatty. Osyǵan baılanysty dárigerler balamyzdyń mektepke barýyna ruqsat bermedi. Kemi alty aı úı jaǵdaıynda bilim alsyn deıdi. Sondyqtan, onyń mektepke óz aıaǵymmen barsam degen armanyn oryndaı almaı otyrmyz» dep aýyr kúrsindi.

Ústimizdegi jyldyń aqpan aıynda bir aıaǵynan aıyrylǵan Jambyldyń mundaı kúıge túsýine tize súıeginiń shytynap synýy sebep bolǵan. «Fýtbol oınap, jarystarǵa jıi shyǵyp júretin. Osyndaı kúnderdiń birinde abaısyzda oń aıaǵynyń súıegi shytynap, syzat túsken. Sol syzat ýaqyt óte syr berip, dárigerler oǵan san sarkomasy degen dıagnoz qoıdy. Dárigerler men beıtanys janashyr jandarǵa alǵystan basqa aıtarymyz joq, olar qoldan kelgen kómektiń bárin jasady. Balamyzǵa jasandy aıaqqa jáne emine qajet qarajatty jınaýǵa da jan-jaqty atsalysty. Ásirese, Respýblıkalyq protezdik-ortopedııalyq ortalyqtyń basshysy Gúlbarshyn Beısekqyzy men áleýmettik jeli arqyly balamyzdyń em-domyna qajetti qarajattty jınaýǵa kómektesken Elmıra Alıeva atty qaryndasymnyń jasaǵan jaqsylyǵyn esh umytaımyz» - dedi Jambyldyń ákesi. Biz Jambylǵa qol ushyn bergen osy adamdardy taýyp, solardyń pikirin bilgen edik. Elmıra, Jambyl em qabyldaý barysynda bizdiń áleýmettik jeli arqyly kóptegen naýqasy aýyr jandarǵa qarjylaı kómek jınaýǵa járdemdesetinimiz jaıly estip, menen kómek suraǵan edi. Shynymdy aıtsam, alǵash balanyń ótinishin estigende teris aınalyp ketkim keldi. Іshteı, óz-ózime qıyn jaǵdaıǵa tap bolǵandardyń bárine kómektesý múmkin emes qoı. Qaıyrdymdylyq qorlary, memleket bar emes pe? Nege olar balalardyń armandaryn oryndaýǵa kómektespeıdi. Ózimniń de tórt balam bar. Olarǵa da ýaqyt bólýim kerek qoı degen oıǵa keldim. Alaıda, teris aınalyp ketýge dátim barmady. Únsiz telefonymnyń kamerasyn iske qostym da Jambylǵa kúlimsirep, «sen mindeti túrde mektepke baldaqpen emes, eki aıaqpen barasyń» dedim. Óıtkeni, bul Jambyldyń eń úlken armany. Ol: «túsimde eki aıaǵymmen mektepke baryppyn. Eshkim meni burynǵydaı, qoldaryn shoshaıtyp kórsetpeıtin bolypty» dep aıtyp jatqanyn qulaǵym shalyp qalǵan. Osylaısha, Jambyl jaǵdaıy jaıly áleýmettik paraqshamda jarııalap, qaıyrymdy jandardyń kómek qolyn sozyn surady. Elimizde bótenniń qaıǵysyna qarap otyrmaıtyn, qaıyrymdy jandar barshylyq eken. Bul joly taǵy osyǵan kózim jetti» - deıdi. Al, Gúlbarshyn Tynálınanyń aıtýynsha, bul mekemege adamdar basyna túsken qaıǵy-qasiretimen keledi, bul psıhologııalyq turǵyda, shynynda, aýyr tıip jatady. Barlyq patsıentterdiń tarıhy - ol erliktiń, batyldyqtyń, moıymaýshylyqtyń tarıhy. 14 jasar bala jaıly olar áleýmettik jeli arqyly bilgen. «Ol birinshi qyrqúıekte mektepke baldaqpen emes, kádimgi adamdaı eki aıaǵymen júrip barýdy armandaıtynyn aıtypty. Osyny oqyǵanda alańsyz otyra almadyq. Ujym bolyp aqyldasyp, «Jambylǵa qoldan kelgen kómegimizdi bereıik» - dep biraýyzdan sheshim qabyldadyq. Jalpy protez jasap berý baǵasy 800 myń teńge bolady. Bul somany bes balaly januıanyń qaltasy kótermeıtini aıtpasa da belgili ǵoı. Sóıtip, kúrdeli protezdi jumystan tys kezde jınaqtadyq, barlyq shyǵyndy ózimiz kóterdik. Buıyrsa, Jambyl el qatarly mektepke eki aıaǵymen baratyn bolady. Osyndaı balalardyń kózine kóziń túsken kezdegi kóńil-kúıińdi, sezimderińdi sózben jetkizý qıyn» - deıdi meıirimdi maman.