Eki aı saılaýǵa daıyndyq úshin jetkilikti merzim - R.Sárpekov
ANA. 2 aqpan. QazAqparat /Aıdar Ospanalıev/ - Májilis depýtaty Ramazan Sárpekov Prezıdenttik saılaýǵa daıyndyq úshin eki aı jetkilikti degen pikirde.
Bul týraly ol búgin Májilistiń Zańnama jáne sot-quqyqtyq reformalar komıtetiniń otyrysynan soń jýrnalısterge bergen suhbatynda aıtty.
«Eki aı Prezıdenttik saılaýǵa túsýge nıet bildirgen azamattar úshin daıyndalýǵa jetkilikti merzim. Osy ýaqytta saılaýǵa qatysý úshin arnaıy tizimge tirkelip te, úgit-nasıhat jumystaryn júrgizip te úlgerýge bolady. Odan ári úderis saılaý zańnamalarynyń talaptaryna sáıkes júzege asady», - dedi halyq qalaýlysy.
Onyń sózine qaraǵanda, qazir «eki aı saılaýǵa daıyndyq úshin múldem az merzim» degen sózder negizsiz. «Qazir Parlamentte talqylanyp jatqan zań jobalaryn elimizdegi kóptegen partııa ókilderi qoldap, endi olar ózderiniń kandıdattaryn usynýǵa daıyndalyp jatyr»,-dedi depýtat.
