Eki aı ishinde 90 myńnan astam turǵyn Mosýldy tastap shyqty
ASTANA. QazAqparat - Iraktyń Mosýl qalasynda áskerı operatsııa bastalǵaly 90 mynnan astam adam úılerin tastap bosyp ketken. Bul týraly kóshi-qon jónindegi halyqaralyq uıym ókilderi habarlaıdy, dep jazady «Habar 24».
Aıta ketken jón, shahardy sodyrlardan azat etý operatsııasy 17 qazanda bastalǵan. Eldi meken «Irak pen Levant lańkestik tobynyń» astanasy sanalady.
Mosýldy jaýdan tazartý sharasyna el áskerimen qatar kúrd jasaǵy qatysyp jatyr. Olarǵa AQSh bastaǵan halyqaralyq koalıtsııa áýeden shabýyldar jasap, qoldaý kórsetip keledi. Qazir qalada 5 myńǵa deıin ekstremıst bolýy múmkin degen aqparat bar.
