Eki aı buryn joǵalyp ketken pavlodarlyq jigit óli kúıinde tabyldy
PAVLODAR. QazAqparat - Pavlodarlyq tergeýshiler QR QK 105 baby boıynsha jas jigittiń ólimine qatysty isti sotqa deıingi tergeý jumystaryn bastady, dep habarlady ІІD baspasóz qyzmeti.
Eki aıdan beri iz-tússiz joǵalǵandar qatarynda bolǵan 21 jastaǵy qala turǵyny B.N. denesi búgin túnde tabyldy. Tergeý múddesine oraı, ІІD oqıǵanyń anyq-qanyǵyn jarııalamaı otyr.
Ǵalamtorda jarııalanǵan aqparatqa, marqumnyń týystary men tanystarynyń sózine súıensek, jas jigittiń denesi jeke aýmaqta, tunshyqtyrylǵan kúıi tabylǵan.
Jas jigit 5 maýsym kúni joǵalyp ketken. Sońǵy ret ony dúkende kórgen. Polıtsııadan bólek B.N. izdeýge eriktiler men týystary atsalysqan.
