Eki avtokólik soǵysyp, jol jıeginde turǵan áıel qaıtys boldy
ALMATY. Tamyzdyń 4-i. QazAqparat /Erbol Azanbek/ - Keshe keshke Almaty qalasynyń «Shańyraq» yqsham aýdanynda jol-kólik oqıǵasy tirkelip, onyń saldarynan 31 jasar áıel qaza tapty,
dep habarlaıdy Almaty qalalyq ІІD-niń baspasóz qyzmeti.
Qaıǵyly oqıǵa Janqoja batyr kóshesi men Baldyrǵan kóshesiniń qıylysynda oryn alǵan. Kóshe boıymen kele jatqan «Mersedes» avtokóligi qarsy baǵytqa shyǵyp ketip, «Mıtsýbısı Padjero» kóligimen soqtyǵysqan. Qatty soqqydan «Mersedes» kóligi jol jıeginde turǵan 31 jasar áıel men onyń eki balasyn soqqan.
«Ókinishke oraı, áıel oqıǵa ornynda qaza taýyp, eki balasy 1-shi balalar aýrýhanasyna jetkizildi», deıdi qalalyq ІІD Jol polıtsııasy basqarmasy jeke batalonynyń komandıri, polıtsııa maıory Manap Sattarov. Onyń aıtýynsha, «Mersedes» rólindegi 24 jasar jigittiń júrgizýshi káligi joq jáne kólikti dosynan ýaqytsha minýge surap alǵan. Ol qamaýǵa alynyp, tekserý júrgizilýde.
