Eki astanalyqtan 263 myńnan astam teńgeniń kontrafaktilik ónimi tárkilendi
ASTANA. 12 aqpan. QazAqparat - 10 aqpan kúni Astana qalasynyń quqyq qorǵaý organdary qyzmetkerleri avtorlyq jáne sabaqtas quqyqtar týraly zańnamany saqtaý jóninde Astana qalasynyń aýmaǵynda kontrafaktili dybys-beıne jazý ónimderin zańsyz taratý boıynsha tekseris sharalaryn júrgizdi.
Shara barysynda qyzmetkerler kontrafaktili ónimderdi zańsyz satyp júrgen Astana qalasynyń eki turǵynyn anyqtady. Olardan 263 100 teńgeniń 877 dana dybys-beıne jazba ónimi tárkilendi. Bul týraly elordanyń astana.kz resmı saıtynan habarlandy.
Tárkilengen ónim men ustalǵan adamdar qylmystyq is-júrgizý zańnamasynyń talaptaryna sáıkes is-júrgizý sheshimin qabyldaý úshin ishki ister organdaryna jetkizildi.
Toqtala ketetin jaıt, avtorlyq quqyqty qorǵaý jónindegi mundaı reıdter qalada turaqty ótkizilip turady. Máselen, jaqynda Bógenbaı batyr dańǵyly men Qoshqarbaev kóshesi qıylysyndaǵy jerasty jolynda kontrafaktilik ónimder men pornografııalyq dıskiler satyp júrgen azamat ustaldy.
Astana qalasynyń Ádilet departamenti zııatkerlik menshik bóliminen habarlanǵandaı, mundaı zań buzýshylyqtar úshin 100-den 500 AEK kóleminde aıyppul salynady.
