Eki aptada jemqorlyqqa qatysty 15 basshyǵa sot úkimi shyqty

NUR-SULTAN. QazAqparat – Eki apta ishinde Sybaılas jemqorlyqqa qarsy qyzmetpen buryn aıaqtalǵan qylmystyq ister boıynsha 37 adamǵa qatysty 29 aıyptaý úkimi shyǵaryldy, olardyń 15-i túrli deńgeıdegi basshylar. Bul týraly onlaın brıfıngte Sybaılas jemqorlyqqa qarsy is-qımyl agenttiginiń Strategııa jáne jedel basqarý departamentiniń basshysy Nurlan Jaqsymbetov aıtty, dep habarlaıdy QazAqparat tilshisi.

«Eki apta ishinde Sybaılas jemqorlyqqa qarsy qyzmetpen buryn aıaqtalǵan qylmystyq ister boıynsha 37 adamǵa qatysty 29 aıyptaý úkimi shyǵaryldy, olardyń 15-i túrli deńgeıdegi basshylar», - deıdi Sybaılas jemqorlyqqa qarsy qyzmettiń Strategııa jáne jedel basqarý departamentiniń basshysy Nurlan Jaqsymbetov.

Onyń aıtýynsha, 8 adam bas bostandyǵynan aıyrylsa, 9 adamnyń bas bostandyǵy shekteldi. Jalpy eselik aıyppul somasy 100 mln.teńgeden astam eselik aıyppulmen – 19 adam sottaldy.

«Jymqyrý faktileri boıynsha - 9, alaıaqtyq úshin – 12, para bergeni úshin - 13, para alǵany úshin – 9 jáne laýazymdyq ókilettikterin asyra paıdalanǵany úshin – 2 adam sottaldy», - deıdi ol.