Eki aptada «Jaýjúrek myń bala» eki mıllıon dollar tabys ákeldi
ASTANA. 15 mamyr. QazAqparat - Prokatqa shyqqaly beri «Jaýjúrek myń bala» fılmi 2 mıllıonǵa jýyq (1 mln. 853 myń. dollar) AQSh dollaryn jınap úlgerdi, dep habarlaıdy «Qazaqfılm» AQ baspasóz qyzmeti.
Óz kezeginde fılmniń qazaq tilindegi prokaty 30 paıyzǵa arttyrylǵan. «Jaýjúrek myń bala» seanstary kúnine 120-dan 150-ge deıin ósken. Kınozaldarda áli de bolsa ıne shanshar oryn joq. Mamyrdyń sońynda fılmniń óńirlerdegi kórsetilimi bastalmaq.
Eske sala keteıik, «Jaýjúrek myń bala» fılmi jalpyqazaqstandyq prokatqa 3 mamyr kúni shyqqan bolatyn. Alǵashqy demalystardyń ózinde ol shamamen 1 mln. dollar qarajat jınady. 17 mamyr kúni 65-shi Kann festıvali aıasynda otandyq týyndynyń halyqaralyq dıstrıbıýterlerge arnalǵan naryqtyq kórsetilimi ótedi dep josparlanýda.
