Eki aptada respýblıka azamattary ishki ister organdaryna 1 myń 554 atys qarýyn ótkizdi
ASTANA. 15 aqpan. QazAqparat - Іshki ister mınıstrligi azamattardan zańsyz saqtalyp kelgen qarý-jaraqtardy satyp alý sharasyn jalǵastyrýda.
Eki aptada respýblıka azamattary 1 myń 126 ótinish túsip, erikti túrde 1 myń 554 atys qarýy ótkizgen. Bul týraly búgin jýrnalıstermen bolǵan brıfıngte Іshki ister mınıstrliginiń resmı ókili Nurdildá Oraz málim etti.
Onyń aıtýynsha, satyp alynǵan qarýlardyń ishinde 1 avtomatty, 239 uzyn uńǵyly, 3 qysqa uńǵyly, 1 myń 289 tegis uńǵyly qarý-jaraqtar bar. Sondaı-aq el azamattary erikti túrde 3 denege zaqym keltiretin tapansha, 4 jarylǵysh qurylǵy, 4,87 keli jarylǵysh zat, 47 myńǵa jýyq patrondardy tapsyrdy.
Atalmysh aktsııa aqpannyń 1-i men naýryzdyń 31-ne deıin jalǵasady.
