Eki apta buryn joǵalyp ketken qostanaılyq óli kúıinde tabyldy
MEŃDІQARA AÝDANY. QazAqparat – Meńdiqara aýdanyndaǵy orman alqabynan 57 jastaǵy er adamnyń denesi tabyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, er adam osy jyldyń 29 tamyzynda joǵalyp ketken. Bul týraly polıtsııaǵa onyń jubaıy habar bergen.
«Іz-tússiz joǵalyp ketken 57 jastaǵy er adamnyń denesi 8 qyrkúıek kúni Borovskoe aýylyndaǵy orman alqabynan tabyldy. Máıitti sańyraýqulaq jınaýshylar baıqap qalǵan», - dedi vedomstvonyń baspasóz hatshysy Irına Bejenar.
Qazir osy derek boıynsha tergeý jumystary bastaldy. Saraptamalar taǵaıyndaldy.
