Eki apta boıy izdeýde júrgen boıjetken Almatydan tabyldy
TALDYQORǴAN. QazAqparat - Almaty oblysynyń polıtsııa qyzmetkerleri sońǵy eki aptada iz-túzsiz joǵalǵan Arýjan Mysahanovany tapty, dep habarlaıdy QazAqparat tilshisi.
Qaskeleńdegi kolledjde oqıtyn 16 jastaǵy boıjetken Qarasaı aýdanynyń Shamalǵan stansasynda sheshesimen turady. Ol 28 qańtarda úınen shyǵyp ketip, oralmaǵan. Kámeletke tolmaǵan azamatshany izdeýge óńirdegi barlyq polıtsııa kúshteri jumyldyryldy. Boıjetkenniń foto-sýretteri áleýmettik jeliler men buqaralyq aqparat quraldaryna jarııalanǵan bolatyn.
«Kámeletke tolmaǵan azamatshanyń qaıda júrgeni anyqtaldy. 12 aqpan kúni keshkisin Qarasaı AІІB onyń anasyn shaqyrtyp, qyzyn tabystadyq. Belgili bolǵanyndaı osy ýaqyt aralyǵynda ol Almaty qalasynda dos qyzynyń jaldap turyp jatqan páterinde bolǵan» - dedi Almaty oblystyq ІІD baspasóz qyzmeti.
Úıinen qashqan boıjetkenmen mamandar profılaktıkalyq áńgimelesý sharasyn ótkizdi.
