Eki apatqa baılanysty Boeing basshysy aýysty
ChIKAGO. QazAqparat – Amerıkalyq Boeing avıakompanııasynyń basshysy Dennıs Melenberg kompanııa jasaǵan ushaqtardaǵy kemshilikke baılanysty daý-damaıdan soń qyzmetinen ketti. Eki apat kezinde 346 adam kóz jumǵan bolatyn, dep habarlaıdy QazAqparat euronews.com-ǵa silteme jasap.
Byltyr qazan aıynda Indonezııada Lion Air áýe kompanııasyna tıesili Boeing 737 Max laıneri apatqa ushyrap 189 adam qaza tapty. Bıyl naýryz aıynda Efıopııada Ethiopian Airlines áýe kompanııasynyń osyndaı modeldegi ushaǵy apatqa ushyrap, 157 adam kóz jumdy.
Tergeý barysynda eki apat kezinde de ushýdy basqarý júıesinde aqaý bolǵany anyqtaldy. Osydan soń kóptegen elder ushaqtyń osy serııaly túrin paıdalanýdan bas tartty. Boeing kompanııasy taıaýda ǵana 2020 jyldyń basynan bastap osy ushaqty jasap shyǵarýdy ýaqytsha toqtatatyn málim etti.
Kompanııanyń jańa bas dırektory bolyp basqarma basshysy Devıd Kelhýn taǵaıyndaldy. Ol qyzmetine 13 qańtarda kirisedi.
Boeing dırektorlar keńesiniń málimdeýinshe, ábasshylyqty aýystyrý kompanııaǵa degen senimdi qalpyna keltirýdegi qadam bolǵan, onyń maqsaty «737 MAX-ty ushýǵa qaýipsiz etip qaıtarý».
