Eki aǵaıyndy jigit analaryna talasyp, sotqa júgingen
ASTANA. QazAqparat - Isi musylmannyń kıeli besigi - Saýd Arabııasynda eki aǵaıyndy, ıaǵnı, týǵan aǵasy men inisi anasyna qamqor bolý úshin talasyp qalǵan.
«Aǵasy Haızan ál-Fahaıdı anasyn inisine berýden bas tartqan. Osyǵan baılanysty inisi aǵasynyń ústinen sotqa shaǵym túsirgen» dep jazady islam.kz saıty.
Baqsaq, aǵaıyndylar anasynyń qaldyrar murasy úshin emes (jalǵyz júziginen basqa murasy bolmaǵan), saýap úshin bir-birimen talasqan eken. Sóıtip, sotqa júgingende sot alqasy aldymen anasyna sóz bergen kórinedi. Al ana bolsa eki ulyn da bóle-jarmaı: «Bireýi meniń oń kózim bolsa, ekinshisi - sol kózim», - dep jaýap bergen kórinedi. Áıtse de sot alqasy aqyldasa kele aǵaıyndylar arasyndaǵy talas-tartysty kishi uldyń paıdasyna sheshken. Óıtkeni, onyń densaýlyǵy aǵasyna qaraǵanda myqty bolyp shyqqan.
