Eki adamnyń ólimine sebepshi bolǵan jol apatyna kináli áskerı qyzmetshi sottaldy
ASTANA. QazAqparat - Aqmola garnızonynyń áskerı soty Qazaqstan Respýblıkasy Qylmystyq Kodeksiniń 345-baby, 4-bólimi boıynsha áskerı qyzmetshige qatysty qylmystyq isti qarady.
Sottyń anyqtaýynsha, «Astana-Kókshetaý» avtomagıstralinde 110 km/saǵ jyldamdyqpen kele jatqan sottalýshy K. avtokólik rýlinde uıyqtap ketip, jol qozǵalysy erejelerin buzǵan.
«Saldarynan avtokólikter soqtyǵysyp, sottalýshynyń qaıyn atasy men áıeli mert boldy, al áıeliniń anasy aýyr halde jatyr. Áıeli qaza taýyp, úsh kishkentaı balasymen jáne qart anasymen qalǵan K. qyzmetinen shettetildi jáne jol apaty úshin sottaldy», - dep habarlady Áskerı sottyń baspasóz qyzmeti.
Sot ony tolyq aıypty dep tanydy jáne 5 jyl synaq merzimimen, bas bostandyǵyn shekteýsiz jaza taǵaıyndady.
