Eki adamdy óltirgen Almaty turǵyny 17 jylǵa sottaldy
Almaty qalalyq PD tergeý basqarmasynyń málimetinshe, osy jyldyń jazynda asa aýyr qylmys tikeldi.
Іshimdik ishý kezinde er adamdardyń arasynda janjal týyndap, 43 jastaǵy E. esimdi azamat K. jáne B. esimdi bótelkelesterin pyshaqtap tastaǵan.
«Ókinishke qaraı, jaralanǵandardyń ekeýi de esin jımastan aýrýhanada kóz jumdy. Kúdikti birden ustalyp, qamaýǵa alyndy. Tergeý onyń áreketin QR QK 99-baby 2-bóligimen saralady. E. esimdi azamat sol kúni-aq ýaqytsha ustaý ızolıatoryna qamaldy. Qylmystyq is materıaldarynan belgili bolǵandaı, otyrys jeke úıdiń aýlasynda bolǵan. Bir kezde ekeýi daýlasa bastaıdy. E. aldymen K. esimdi azamatqa, sosyn olardy ajyratpaq bolǵan B-ǵa pyshaq suǵady», – deıdi Almaty qalalyq polıtsııa departamenti bastyǵynyń orynbasary Rústem Ábdirahmanov.
Polıtsııa ókiliniń aıtýynsha, onyń qylmysy dáleldenip, 17 jylǵa sottaldy.
«Almaty qalasynyń qylmystyq ister jónindegi mamandandyrylǵan aýdanaralyq sotynyń úkimimen 43 jastaǵy E. qylmys jasaǵany úshin kináli dep tanylyp, 17 jylǵa bas bostandyǵynan aıyryldy»,- deıdi ol.