Eki adamdy qaqqan kólik jer asty ótpe jolyna túsip ketti
ASTANA. QazAqparat - Máskeýdiń ońtústiginde sheteldik markaly kólik eki jaıaý júrginshini soǵyp, jer asty ótpe jolyna túsip ketti, dep habarlady qalalyq Jol qozǵalysy qaýipsizdigi memlekettik ınspektsııasy basqarmasynyń baspasóz qyzmeti.
«20:40 kezinde Peugeot avtokóliginiń júrgizýshisi Kashır shossesiniń boıymen kele jatyp rýlge ıe bola almaı, qorshaýdy qaqqan. Odan keıin kólik jaryq beretin baǵanany soqqan kúıi eki jaıaý júrginshini basyp, jer asty ótpe jolyna túsip ketti», - dep habarlady vedomstvonyń baspasóz qyzmeti. Apat Kashır shossesi boıyndaǵy 26 úıdiń tap janynda oryn aldy.
Jaraqattanǵan jaıaý júrginshiler aýrýhanaǵa jetkizildi. Avtokólik júrgizýshisi zardap shekken joq.
