EQDB L.Ibragımovany genderlik teńdik nagradasymen marapattady
ASTANA. QazAqparat - Eýropalyq qaıta qurý jáne damý banki prezıdenti Sýma Chakrabartı «Báıterek» holdınginiń basqarma tóraǵasynyń orynbasary Lázzat Ibragımovany genderlik teńdikti ilgeriletkeni úshin nagradasymen marapattady.
Bul týraly holdıng baspasóz qyzmetinen habarlady.
EQDB basshysy Lázzat Ibragımova «áıelder basqaryp otyrǵan shaǵyn jáne orta kásiporyndardy qarjylandyrýǵa birdeı múmkindik berý esebinen genderlik teńdikti damytý isinde Qazaqstandaǵy eń mańyzdy tulǵalardyń biri» bolyp tabylatynyn atap ótti.
Óz kezeginde, L.Ibragımova EQDB basshylyǵyna nagrada úshin alǵysyn jetkizip, banktiń Qazaqstanda júzege asyrylyp jatqan baǵdarlamalardyń mańyzdylyǵyna toqtaldy.
«Elimizdiń Prezıdenti Nursultan Nazarbaev áıelder bıznesiniń mańyzdylyǵyna qashanda erekshe kóńil bóledi, sońǵy ýaqytta otbasy bıznesin damytý týraly aıtyp júr. Biz jekeshe kommertsııalyq bankter arqyly iske asyryp jatqan «Bıznestegi áıelder» baǵdarlamasy qazaqstandyq áıelder bıznesiniń tabysty damýynyń mysaldaryn kórsetedi», - dedi ol.
