EQDB Qazaqstanǵa metan shyǵaryndylaryn azaıtý úshin qoldaý kórsetedi

NUR-SULTAN. QazAqparat – Eýropalyq qaıta qurý jáne damý banki Qazaqstanǵa metan shyǵaryndylaryn azaıtý baǵytynda qoldaý kórsetedi. QR Ekologııa, geologııa jáne tabıǵı resýrstar mınıstri Serikqalı Brekeshev pen EQDB vıtse-prezıdenti Alan Pııýdiń kezdesýinde memorandýmǵa qol qoıyldy, dep habarlaıdy QazAqparat.

Metan shyǵaryndylaryn azaıtý, monıtorıngini, eseptilikti jáne ár túrli salalardaǵy verıfıkatsııany jaqsartý - mańyzdy mindet.

EQDB Qazaqstannyń energetıka jáne gaz tasymaldaý, aýyl sharýashylyǵy, qatty turmystyq qaldyqtar men sý burý salasyndaǵy negizgi sektorlaryna basa nazar aýdara otyryp, osy baǵyttaǵy kúsh-jigerdi qoldaýǵa nıetti.

Memorandýmdy iske asyrý sheńberinde taraptar metandy azaıtý salasyndaǵy jobalardy birlesip iske asyrýǵa kirisýge, sondaı-aq eń úzdik halyqaralyq praktıka men standarttarǵa sáıkes gazdyń osy túrin retteýdiń jańa quraldary boıynsha múmkindikterdi paıdalanýdy qaraýǵa daıyn.

Vedomstvonyń paıymdaýynsha, memorandým eldiń 2060 jylǵa qaraı kómirtegi beıtaraptyǵyna qol jetkizýine yqpal etedi.

Foto : gov.kz