Ekibastuzdyń ınfraqurylymyn jańartýǵa 25 mlrd teńgeden asa bıýdjet qarjysy baǵyttalǵan
PAVLODAR. KAZINFORM — Bul jylý jelilerin jańartýǵa, turǵyn úı salýǵa, áleýmettik nysandardy jańartýǵa jáne qalany abattandyrýǵa múmkindik berdi.
Pavlodar oblysy ákiminiń baspasóz qyzmeti bıyl Ekibastuzǵa 25 mlrd teńgeden astam bıýdjet qarajaty baǵyttalǵanyn habarlady. Qarajat jylý jelilerin jańartýǵa, turǵyn úı salýǵa, áleýmettik nysandardy jańartýǵa jáne qalany abattandyrýǵa múmkindik berip otyr. Jylý magıstraldaryn qaıta qurý jáne jóndeý jumystary kelesi jyly da jalǵasatyn bolady.
— Qala tarıhyndaǵy mańyzdy jobalardyń biri — oram ishindegi aýmaqtardy jaryqtandyrý boldy. Eki jyl buryn Ekibastuzda júıeli aýlaishilik jaryqtandyrý múldem bolmaǵan edi. Barlyq 279 aýlany, oram ishindegi aýmaqtardyń 50-den astam ýchaskesin, sondaı-aq qalanyń qalǵan 68 kóshesin jaryqpen qamtý kózdelgen. Barlyq jumys 6 kezeńge bólindi. Búgingi tańda aýlaishilik jaryqtandyrý boıynsha jumystar aıaqtalyp, jumystardyń 77%-y oryndaldy, — dep málimdedi oblys ákimdiginen.
Sondaı-aq shaharda JEO-daǵy alty qazandyq agregatyn jóndeý jumystary aıaqtalyp, № 2 jáne № 7 jylý magıstraldaryn qaıta jańartý jalǵasyp jatyr. Gıdravlıkalyq synaqtar kezinde anyqtalǵan aqaýlardyń basym kópshiligi joıyldy. Tamyz aıynyń sońyna deıin áleýmettik nysandarǵa kómir jetkizýdi aıaqtaý jáne barlyq mekeme boıynsha daıyndyq aktilerin resimdeý josparlanyp otyr.
Buǵan deıin Pavlodarda kópqabatty úılerdiń 80%-dan astamy jylý qabyldaýǵa daıyn ekenin jazǵanbyz.