Ekibastuzdyń bas kóshesindegi qubyrdan ystyq sý atqylady

ASTANA. KAZINFORM – Búgin Ekibastuz qalasynda magıstraldyq jáne kvartal ishindegi jylý jelilerine gıdravlıkalyq synaqtar júrgizilgen. Olardyń beriktigi men tyǵyzdyǵy tekserilip, saldarynan kóshelerdiń birinde «sýburqaq» atqylaı bastaǵan. 

Kýágerler muny vıdeoǵa túsirip, áleýmettik jelige taratqan.

Qala ákimdiginiń baspasóz qyzmeti bul máselege qatysty túsinikteme berdi.

«426 dıametrli jylý jelisi zaqymdandy. Qazirgi ýaqytta qalpyna keltirý jumystary júrgizilip jatyr», - dedi Ekibastuz jylý jelileri» kásipornynyń dırektory Evgenıı Banchenko.