Ekibastuzdyq kásiporyn bıznestiń áleýmettik jaýapkershiliginiń jarqyn úlgisine aınaldy
PAVLODAR. KAZINFORM - Búginde Ekibastuz Qazaqstannyń iri ındýstrııalyq ortalyqtarynyń biri retinde ǵana emes, sonymen qatar bıznes áleýmettik ortany damytýǵa jaýapkershilikpen qaraıtyn shahar retinde de qarqyndy ózgerip keledi.
Sonyń ishinde RWS KZ holdınginiń aýqymdy jobalary Pavlodar oblysynyń ákimdigimen jasalǵan yntymaqtastyq týraly memorandým aıasyndaǵy júıeli jumystyń nátıjesi boldy.
Bul tásil Memleket basshysy Qasym-Jomart Toqaevtyń iri bıznestiń ekonomıkany damytýǵa ǵana emes, azamattardyń ómir súrý sapasyn arttyrýǵa da belsendi atsalysýy qajet ekendigi jónindegi ustanymyna tolyq sáıkes keledi.
Ekibastuz ben Petropavl qalalaryndaǵy 8 kásiporyndy biriktiretin RWS KZ holdıngi - búginde Qazaqstannyń temirjol salasyna arnalǵan ónimderdiń jetekshi óndirýshileriniń biri. Eldegi bul baǵyttaǵy ónimniń 70%-dan astamy osynda shyǵarylady. Atap aıtqanda, tutas ılektelgen dońǵalaqtar, oster men dońǵalaq juptary, usta-bandaj ónimderi, temirbeton shpaldar men arqalyqtar, baǵyttamalyq buıymdar, relstik bekitkishter jáne jyljymaly quram óndiriledi. Sonymen qatar jańa ınvestıtsııalyq jobalar kezeń-kezeńimen júzege asyrylýda. Solardyń biri 2029 jyly iske qosylady dep josparlanyp otyrǵan elektrmetallýrgııalyq keshenniń qurylysy.
Óndiristi damytý kompanııa strategııasynyń bir baǵyty ǵana. Pavlodar oblysynyń ákimdigimen jasalǵan memorandým aıasynda RWS KZ qalalyq ınfraqurylymdy damytýǵa, turǵyndardy qoldaýǵa jáne Ekibastuzdyń tartymdylyǵyn arttyrýǵa baǵyttalǵan áleýmettik bastamalardy júıeli túrde júzege asyryp keledi.
Sonyń jarqyn mysaldarynyń biri - tolyǵymen holdıngtiń óz qarajaty esebinen uıymdastyrylyp, qarjylandyrylatyn RWS RUN marafony. Eki jyldyń ishinde bul jarys óńirdegi eń iri sporttyq is-sharalardyń birine aınaldy. Bıyl halyqaralyq sertıfıkattalǵan trassada Qazaqstannyń túkpir-túkpirinen, jaqyn shetelder men Eýropa elderinen kelgen 1100-den astam qatysýshy bas qosty.
Sondaı-aq 7-15 jas aralyǵyndaǵy balalarǵa arnalǵan arnaıy jarys uıymdastyryldy. Osylaısha eki jyl ishinde RWS RUN myńdaǵan adamdy salaýatty ómir salty, ózara qoldaý jáne qalany damytý ıdeıasynyń tóńiregine toptastyrǵan óńirdegi eń aýqymdy sporttyq jobalardyń birine aınaldy. Sonymen qatar sporttyq is-shara qalanyń kafe, qonaqúı, dúkenderi men shaǵyn jáne orta bıznes sýbektileriniń qyzmetine de serpin berdi.
Taǵy bir ıgi dástúr - Temirjol kóligi qyzmetkerleri kúnine arnalǵan jyl saıynǵy jalpyqalalyq merekelik is-shara. RWS KZ tolyq qarjylandyratyn bul mádenı shara qala turǵyndary men qonaqtarynyń barlyǵyna ashyq. 2024 jyly kontsertti tamashalaýǵa 15 myńnan astam adam kelse, 2025 jyly kelýshiler sany 20 myńnan asyp, mundaı qoǵamdyq bastamalardyń halyq arasynda joǵary suranysqa ıe ekendigin kórsetti.
- Adamdar - tek kásiporynnyń ǵana emes, búkil Ekibastuzdyń basty qozǵaýshy kúshi. Dál solar eń úzdik dástúrlerdi saqtap, tájirıbesin jas urpaqqa jetkizip, qalanyń bolashaǵyn qalyptastyrady, - dedi RWS KZ bas dırektory Sergeı Pavlınger.
Holdıngtiń áleýmettik saıasaty uzaq merzimdi jobalardy da qamtıdy. Memorandým aıasynda kompanııa kadr daıarlaý isine de ınvestıtsııa salýda. Holdıng «Mashına jasaý», «Óndiristi avtomattandyrylǵan basqarý júıeleri», «Metallýrgııa» jáne «Ǵımarattar men qurylystar salý» mamandyqtary boıynsha mamandar daıarlaıtyn korporatıvtik tehnıkalyq kolledj salady. Sonymen qatar mektep oqýshylary úshin beıindik pánder tereńdetilip oqytylatyn korporatıvtik synyp ashylady. Qazirdiń ózinde jas mamandar dýaldy bilim berý júıesi boıynsha oqyp, teorııany óndiristegi tájirıbemen ushtastyrýda. Budan bólek, Ekibastuzda RWS KZ korporatıvtik oqý ortalyǵy jumys isteıdi. Munda qyzmetkerler biliktiligin arttyryp, qaıta daıarlaýdan ótedi.
Sondaı-aq RWS KZ korporatıvtik balabaqsha, turǵyn úıler jáne qonaqúı-meıramhana keshenin salý jobalaryn júzege asyrýda. Bul nysandar eń aldymen kásiporyn qyzmetkerlerine arnalǵanymen, qalanyń áleýmettik ınfraqurylymynyń bir bóligine aınalyp, Ekibastuzdyń damýyna jáne turǵyndardyń ómir súrý sapasyn arttyrýǵa óz úlesin qosatyn bolady.
Bıznes pen memlekettiń osyndaı ózara is-qımyl úlgisi Qazaqstan Respýblıkasy Prezıdenti Qasym-Jomart Toqaevtyń bıznestiń áleýmettik jaýapkershiligin kúsheıtý jónindegi saıasatyn iske asyrýdyń naqty mysaldarynyń birine aınalyp otyr. RWS KZ tájirıbesi óndiristi damytýǵa baǵyttalǵan ınvestıtsııalar adamdardyń ál-aýqatyn arttyrýmen, qalalardy damytý jáne qazaqstandyqtardyń ómir súrý sapasyn jaqsartýmen qatar júzege asyrylatynyn aıqyn kórsetedi.
Búginde RWS KZ Pavlodar oblysy ákimdigimen jasalǵan memorandýmda kózdelgen mindettemelerdi oryndap, áleýmettik jaýapkershiliktiń joǵary deńgeıin kórsetip keledi. Kompanııa iri ónerkásiptik jobalardy iske asyryp qana qoımaı, bilim berý, sport, qalalyq ınfraqurylymdy damytý jáne turǵyndardy qoldaý baǵyttaryna da ınvestıtsııa salyp, óńirdiń turaqty damýyna eleýli úles qosýda.
Buǵan deıin Ekibastuz JEO «70/30» modeli aıasynda jańǵyrtylýy múmkin ekenin jazǵanbyz.
