Ekibastuzdaǵy jer úılerdiń 94 paıyzy jylýǵa qosyldy

PAVLODAR. KAZINFORM – Kenshiler shaharynda 6 myńnan astam jer úı jáne kópqabatty 700 turǵyn úı bar. Qazirgi ýaqytta tıisti jylýmen qamtamasyz etý úshin gıdravlıkalyq rejımdi retteý jumystary júrgizilip jatyr. 

Pavlodar oblysynda úsh qaladaǵy turǵyn úılerdi jylýǵa tolyqtaı qosý merzimi 5 qazanǵa belgilendi. Ekibastuz shaharynyń turǵyn úıleri jyldaǵydaı jylýǵa kesh qosylyp jatyr. Al, Pavlodardaǵy 1 300 kópqabatty turǵyn úıdiń tórteýinde áli jylý joq. 

– Kenshiler qalasynda jylýmen jabdyqtaý 450 kópqabatty turǵyn úıde júzege asyryldy. 2 qazanda taǵy 154 turǵyn úı jylý alady. Ózge úıler 3 qazanda qosylady. Al jeke sektordyń 94%-y jylýǵa qosylǵan. Ekibastuz JEO-da qazir 2 qazandyq agregaty istep tur. Bul qazirgi aýa raıy jaǵdaıynda jetkilikti. Rezervte jáne tolyǵymen jumysqa daıyn 4 qazandyq bar. Jaqynda munda JM-1, JM-3 jylý magıstralderinde qalpyna keltirý jumystary aıaqtalyp, gıdravlıkalyq synaq sátti júrgizildi. Qazirgi ýaqytta onda gıdravlıkalyq rejımdi baptaý men kezeń-kezeńmen toltyrý júrgizilip jatyr, - dep habarlady oblys ákiminiń baspasóz qyzmetinen. 

Al, Aqsýda qazirgi ýaqytta ishkijelilik jumystardyń júrgizilýine baılanysty bir kópqabatty turǵyn úıde ǵana jylý joq ekeni belgili boldy. Jumystar aıaqtalǵan soń jylý beriledi. Ózge 264 turǵyn úıde jáne barlyq jeke úılerde jylý bar. 

Buǵan deıin Pavlodar oblysynda turǵyn úılerdi jylýǵa qosý aıaqtalyp qalǵany týraly jazǵanbyz.