Ekibastuzdaǵy MEAS-1 stansasy bıyl 4 myń megavatt qýatyna shyǵady
PAVLODAR. KAZINFORM - Jyl basynan Pavlodar oblysyndaǵy elektr stansalary 20,2 mlrd kVt saǵat qýat óndirgen. Óńir respýblıkadaǵy barlyq elektr qýatynyń 40%-yn qamtyp otyr.
Bıyl oblystyń energojúıesindegi bes energııalyq blok pen týrbınalardy, 15 qazandyqty kúrdeli jóndeý josparlanǵan.
Bul týraly QR Energetıka vıtse-mınıstri Qýat Esimhanov Ekibastuz qalasynyń jurtshylyǵymen kezdesýde aıtty.
Kezdesý barysynda Pavlodar oblysy elimizde elektr energııasyn óndirý boıynsha birinshi orynda turǵany jáne respýblıkadaǵy barlyq elektr energııasynyń shamamen 40% - yn qamtamasyz etip otyrǵany atap ótildi. Oblystyń elektr stantsııalarynyń belgilengen elektr qýaty - shamamen 8 000 MVt. Jyl basynan beri elektr energııasyn óndirý kólemi 20,2 mlrd kVt saǵatty qurady. Óńirdegi elektr jelileriniń uzyndyǵy 17 myń shaqyrymnan asady.
«Qazirgi tańda Ekibastuz MAES-1-de №1 energııa blogy qalpyna keltirilýde, bul stansanyń qýatyn 4000 MVt-qa deıin arttyrýǵa múmkindik beredi. Jobanyń aıaqtalýy bıylǵa josparlanyp otyr. Al Ekibastuz MAES-2-de №3 energoblok salý jumystary júrgizilip jatyr. Jobany iske asyrý stansanyń qýatyn 2027 jyly 1 520 MVt-qa deıin arttyrýǵa múmkindik beredi. Bul jobany iske asyrý qurylys kezeńinde shamamen 1 400 jumys ornyn jáne paıdalanýǵa berilgen soń 350-den astam jumys ornyn qurýǵa múmkindik beredi», - dedi Q.Esimhanov.
Eske sala keteıik, Ekibastuzdaǵy káriz kollektoryn jóndeýge 5,2 mlrd teńge qajet.
Ekibastuzdaǵy elektr stansasy 640 mln teńgeniń salyǵyn tólemeı kelgen.
