Ekibastuzdaǵy MAES-1 stansasynda aqaý shyqqan murjanyń janyna jańasy turǵyzylyp jatyr
PAVLODAR. KAZINFORM — Quny 29,1 mlrd teńgege jańa tútin murjasyn salý boıynsha iri ınvestıtsııalyq joba júzega asa bastady. Ol buǵan deıin búıiri tesilgen murjany almastyrady.
«B. Nurjanov atyndaǵy Ekibastuz MAES-1» JShS bas dırektory Asan Naýryzǵalıevtiń aıtýynsha, byltyr qazan-qarasha aılarynda qurylys-montaj jumystaryna, tehnıkalyq jáne avtorlyq qadaǵalaýǵa kelisim-sharttar jasalyp, jaýapty organdardan qurylysty bastaý týraly habarlama alynǵan.
— 2025 jyldyń sáýir aıynda kásiporynda qoldanystaǵy tútin murjasyn tekserý jáne jóndeý maqsatynda birinshi kezektegi tórt energoblok toqtatylyp, ishki beton qurylymdarynyń qaldyqtary bólshekteldi. Qurylys-montaj jumystaryn merdiger uıymdardyń konsortsıýmy júrgizýde. Qazirdiń ózinde jobaǵa 3 mlrd teńge qarjy bólinip, jumystarǵa 45 adam tartyldy. Al jobaǵa jalpy somasy 29,1 mlrd teńge jumsalady.
Jańa tútin murjasy qoldanystaǵy murjanyń janynda salynyp jatyr, — deıdi ol.
Bul elektr energııasyn óndirýdegi shyǵyndardy azaıtyp, energobloktardy toqtatýdy josparly jóndeýlermen úılestirýge múmkindik beredi. Nysannyń jobalyq paıdalaný merzimi — 50 jyl. Qurylys aıaqtalǵannan keıin, 2027 jyldyń qazan aıynan 2028 jyldyń shilde aıyna deıin eski tútin murjasyn buzý jumystary josparlanǵan.
Eske sala keteıik, 2024 jyldyń qarasha aıynda Ekibastuz № 1 MAES stansasynda bir energııa blogy kenetten jumysyn toqtatty.
Ekibastuz elektr stansasyndaǵy apatqa baılanysty mınıstrlik keıin túsinikteme bergen.
