Ekibastuzdaǵy derekterdi óńdeý ortalyǵy qashan iske qosylady
ASTANA.KAZINFORM – QR Parlamenti Palatalarynyń birlesken otyrysynda Premer-mınıstr Oljas Bektenov jańa derekterdi óńdeý ortalyqtaryn iske qosý jóninde málimdeme jasady.
– Qazir barlyq memlekettik organdardyń derekteri Astanada bir derekterdi óńdeý ortalyǵynda saqtaýly. Onyń qýattylyǵy – 6 megavatt. Al biz qazir Ekibastuzda júrgizip jatqan jumystyń arqasynda, kelesi jyldyń alǵashqy jartysynda 125 megavattyq derekterdi óńdeý ortalyǵyn iske qosamyz. 2028 jyly dál osyndaı 125 megavattyq taǵy bir derekterdi óńdeý ortalyǵy iske qosý josparlanyp otyr. Bul jumystardy ary qaraı da jalǵastyra beremiz, – dedi ol QR Úkimetiniń jáne QR Joǵary aýdıtorlyq palatasynyń 2025 jylǵy respýblıkalyq bıýdjettiń atqarylýy týraly esebin bekitý jónindegi otyrysta.
Aıta keteıik, buǵan deıin Ekibastuzda «Derekterdi óńdeý ortalyqtary alqaby» qurylysy boıynsha jumystar bastalǵanyn jazǵanbyz.
