Ekibastuzdaǵy apat saldarynan Jambyl oblysy jaryqsyz qalǵan

ASTANA. KAZINFORM — 19 maýsymda Ekibastuz GRES-2 stantsııasyndaǵy apatqa baılanysty elimizdiń ózge óńirlerimen qatar, Jambyl oblysynyń birqatar eldi mekeninde elektr jaryǵy ýaqytsha óshirildi, dep habarlaıdy Jambyl oblysy ákimdiginiń baspasóz qyzmeti.

— Qazirgi tańda apatty qalpyna keltirý jumystary aıaqtaldy. Elektr energııasyn tutyný boıynsha shekteýler alynyp, jaryq kezeń-kezeńimen berilip jatyr. Oblys turǵyndaryn túsinistikpen qaraýǵa, sabyrlyq tanytýǵa, tek resmı aqparattarǵa senýge shaqyramyz! — delingen oblys ákimdigi taratqan habarlamada.

Buǵan deıin Ekibastuzda 500 kV elektr jetkizý jelisi apattyq jaǵdaıda ajyratylǵanyn jazǵanbyz. Keıinnen energııa torabynyń jumysy qalpyna keltirilgeni belgili boldy.