Ekibastuzda jumysshy tok soǵyp, mert boldy

PAVLODAR. KAZINFORM — Ekibastuzda lokomotıv mashınısi tok soǵyp, kóz jumdy. Jazataıym oqıǵa 5 tamyz kúni temir jol stansasynda bolǵan.

Bul týraly aqparat jergilikti Instagram paraqshalarynyń birinde paıda boldy. 

Aqparatta lokomotıv mashınısi elektr togynyń soǵýynan mert bolǵany aıtylady. Oqıǵa ornyna jedel qyzmetter shuǵyl túrde barǵan. 

Qaıǵyly oqıǵany eńbek ınspektorlary rastady.

— Kisi ólimine soqtyrǵan qaıǵyly jaǵdaı tirkeldi. Qazirgi ýaqytta tekserý is-sharalary uıymdastyrylyp jatyr. Oqıǵanyń qalaı órbigenin, sebep-saldaryn anyqtaıtyn bolamyz, — dep habarlady Memlekettik eńbek ınspektsııasy komıtetiniń Pavlodar oblysy boıynsha departamenti basshysynyń orynbasary Abylaı Sabyrov.

Óńirlik jedel járdem stansasy atalǵan oqıǵa boıynsha jedel járdemge shaqyrtý túspegenin málim etti. Al polıtsııa tekserý is-sharalarymen eńbek ınspektorlary aınalysyp jatqanyn jetkizdi.

Eske sala keteıik, «Bogatyr Kómir» kompanııasynda er adam bıikten qulap, aýyr jaraqat aldy.