Ekibastuzda temirjol ónimderin shyǵaratyn tutas óndiristik klaster qurylyp jatyr
PAVLODAR. KAZINFORM - Qazirgi kúni shaharda temirjolǵa arnalǵan dońǵalaqtar óndiretin keshen – «Prommashkomplekt» JShS sátti jumys istep tur. Munda aıyna 25000, al bir jylda 300 000 temirjol dóńgelegi shyǵarylady.
«Prommashkomlekt» sııaqty irgeli zaýyt TMD boıynsha tórtinshi bolyp salynǵan, elimizde balamasy joq kásiporyn. Sonaý 2012 jyldan beri jumys istep turǵan óndiris ornynda 930 adam eńbek etedi, ortasha eńbekaqy 430 myń teńgeni qurap otyr.
— Zaýyt shyǵaratyn tutas taptamaly jáne tisti dońǵalaqtar elimiz boıynsha bizde ǵana óndiriledi. Negizinen dóńgelektiń 9 túrin shyǵaramyz. Olar júk jáne jolaýshylar vagondaryna, aýyr tartqysh lokomotıvter men jyldamdyǵy joǵary lokomotıvterge, elektrovozdarǵa, metropolıten kólikterine arnalǵan. Ónimimizdiń 25 paıyzy Qazaqstannyń ishinde, ózgesi shet elderge satylady. Іshki suranysty 100 paıyz ótep turmyz. Kásiporynnyń qazirgi maqsaty — Eýropalyq standarttaǵy dońǵalaqtardy óndirý. Alǵashqy partııadaǵy eýropalyq dońǵalaqtarymyz aýdıtten ótkizildi. Endi naqty naryqqa baǵyttaıtyn josparymyz bar. Ózderińiz kórip turǵandaı, mundaǵy qural-jabdyqtyń barlyǵy zamanǵa saı avtomattandyrylǵan, qolmen atqarylatyn jumys óte sırek. Kún saıyn shyǵarylǵan ónimderimizdi syrtqa birden tıep jiberip otyramyz. Sebebi suranys jetkilikti. Shamamen táýligine 700-800-deı dońǵalaq eksportqa jóneltiledi. Belorýssııa elindegi temirjol kompanııasymen kelisimge otyryp, olardyń vagondary úshin de ónim óndirip jatyrmyz. Bizden shyǵarylǵan dońǵalaqtarda aqaý óte az kezdesedi. Sondyqtan shet memleketterde bizdiń taýarǵa degen senim joǵary, - deıdi kásiporynnyń bas dırektory Ivan Dychko.
Osylaısha, seriktestik júzege asyryp otyrǵan aýqymdy joba Qazaqstannyń temirjol salasyn damytyp qana qoımaı, syrttan keletin taýardy otandyq ónimmen almastyrý máselesin oń sheship berip otyr. Zaýytta shyǵarylatyn temirjol dóńgelekteriniń baǵasy ımport quraldardan arzan ári sapasy joǵary. Munda Chehııa, Germanııa, Shveıtsarııa, Reseı, Belarýs, Japonııa, Italııa memleketterinen ákelingen stanoktor, qondyrǵylar paıdalanylady.
Aıtyp ótý kerek, «Prommashkomlekt» «Railcast systems» temirjol klasteriniń quramyna enedi. «Railcast systems» JShS-niń ózi óndiristik aýmaqta taǵy bir zaýyttyń qurylysyn qolǵa alǵan. 2026 jyly paıdalanýǵa beriletin jobanyń jumys ataýy — «Ustalyq-bandaj keshenin qurý». ıAǵnı keleshekte múlde jańa, zamanǵa saı robot-tehnologııamen jaraqtalǵan zaýytta lokomotıv bandajdary shyǵaryla bastamaq. Lokomotıv bandajy — bul lokomotıvtiń dońǵalaq jubynyń aýystyrylatyn elementi.
Pavlodar oblysynyń kásipkerlik jáne ındýstrııalyq-ınnovatsııalyq damý basqarmasy basshysynyń orynbasary Rýslan Tileýlesovtiń dereginshe, jobanyń jalpy quny — 78,6 mlrd teńge. Bolashaq kásiporynda jylyna 160 000 buıym shyǵarylyp, onyń 92 paıyzy eksporttalady dep kózdelip otyr. Óndiris orny iske qosylǵanda Ekibastuz qalasynda jańadan 570 jumys orny qurylady.
«Ónerkásipti damytý qory» AQ «Railcast Systems» seriktestiginiń jobasy boıynsha ótinimdi maquldaǵan. Qazirgi ýaqytta qurylys-montajdaý jumystarynyń 60 paıyzy, jalpy jobanyń 40 paıyzy júzege asyp úlgerdi. Kompanııa keleshek zaýytqa jetkiziletin qural-jabdyqtar qunynyń 50 paıyzyn búginde tólep qoıǵan.
Osyndaı jobalardyń nátıjesinde Ekibastuzdyń ekonomıkasy ártaraptandyrylyp, qalanyń otyn-energetıkalyq keshenge táýeldiliginen arylýy josparlanyp otyr.
Eske sala keteıik, búgin Úkimet basshysy Oljas Bektenov Pavlodar oblysyna jumys sapary aıasynda «Prommashkomplekt» seriktestiginde aıaldady.
