Ekibastuzda sýdy zańsyz alyp kelgen sharýashylyqtar anyqtaldy
PAVLODAR. KAZINFORM — Ekibastuz qalasynyń prokýratýrasy aýyl sharýashylyǵy taýaryn óndirýshilerdiń sý resýrstaryn paıdalaný kezinde zańnama talaptaryn buzǵanyn tirkedi.
Jekelegen sharýashylyq sýbektileri arnaıy sý paıdalanýǵa quqyqtaryn tıisti túrde resimdemegen. Olar aýyl sharýashylyǵy alqaptaryn sýarý úshin sorǵy jáne tamshylatyp sýarý jabdyqtaryn paıdalana otyryp, jalpy alańy 2 myń gektardan astam jerden sý alǵany anyqtaldy.
— Nátıjesinde 20 myń tonnadan astam aýyl sharýashylyǵy ónimi óndirilgen. Prokýratýranyń engizgen qadaǵalaý aktisin qaraý nátıjesinde anyqtalǵan buzýshylyqtar joıyldy. Bıýdjetke sý resýrstaryn paıdalanǵany úshin 8 mln teńgeden astam qosymsha tólem esepteldi. Tórt aýyl sharýashylyǵy taýaryn óndirýshimen arnaıy sý paıdalanýǵa arnalǵan sharttar jasalyp, tıisti ruqsattar alyndy, — der habarlady óńirlik prokýratýradan.
Sonymen qatar, sharýashylyqtardaǵy sý esepteý quraldary aýystyrylǵan. Bul naqty sý alý kólemine durys baqylaý júrgizýdi qamtamasyz etýge múmkindik bermek.
Eske sala keteıik, prokýratýranyń yqpalymen Qostanaı oblysyndaǵy aýylda aýyz sý tarıfi 45 eseden astam tómendetildi.
