Ekibastuzda shańsorǵyshqa esirtki jasyrǵan azamatqa qatysty sot úkimi shyqty
Ekibastuzda shańsorǵyshtyń qorabyna esirtki jasyrǵan azamatqa qatysty sot úkimi shyqty, – dep habarlaıdy Polisia.kz.
10 jyl ortasha qaýipsizdik qylmystyq-atqarý júıesi mekemesinde jazasyn óteýmen bas bostandyǵynan aıyrý, sot mundaı úkimdi Ekibastuzda esirtki taratatyn azamatqa qatysty shyǵardy. Esirtki qylmysyna qarsy is-qımyl jónindegi jedel ýákilder Astana qalasynan shańsorǵyshy bar qorap túrindegi sálemdeme kele jatqanyn anyqtaǵan. Alaıda onyń ishinde esirtki bolǵan.
Paketti alǵan kezde olar 24 jastaǵy er adamdy ustady, ol shańsorǵyshta gashısh bar ekenin moıyndaǵan. Tergeý barysynda elektrondyq aqparattyq resýrstardy paıdalana otyryp, asa iri mólsherde psıhotroptyq zattardy satý maqsatynda zańsyz saqtaý faktisi boıynsha sotqa deıingi tergeý júrgizildi.
– Tergeý barysynda jedel ýákilder kúdiktiniń turǵylyqty jeri boıynsha tintý sharalaryn júrgizdi, ol jerden de esirtki quraldary tárkilendi. Tergeý nátıjesinde 2022 jyldyń qazan aıynyń ortasynda Telegram qosymshasy arqyly óziniń paraqshasymen ınternet-dúkenge kýrer bolyp jumysqa ornalasqandyǵy anyqtaldy. Ol qala aýmaǵynda esirtkini ólshep-oraýdy jáne salýdy júzege asyrdy, – dedi Ekibastuz qalasy PB bastyǵynyń orynbasary Valentın Brımjanov.
Tártip saqshysy tárkilengen esirtki zaty – gashısh jáne marıhýana bolǵanyn naqtylady, onyń jalpy salmaǵy 2 keli 250 gramm boldy, bul óte úlken mólsherge jatady jáne qylmystyq kodekske sáıkes múlki tárkilenip, on jyldan on bes jylǵa deıingi merzimge bas bostandyǵynan aıyrýǵa jazalanady.
