Ekibastuzda saýda úıiniń tóbesi opyrylyp qaldy

ASTANA. KAZINFORM — Oqıǵa ornynda shuǵyl qyzmetter jumys istep jatyr. Bul týraly TJM baspasóz qyzmeti habarlady.

- Ekibastuz qalasy M.Áýezov kóshesi boıyndaǵy saýda úıleriniń birinde 150 sharshy metr alańda aspaly tóbeniń opyrylýyp qalǵan, - delingen TJM habarlamasynda.

Oqıǵa ornynda shuǵyl qyzmetter jumys istep jatyr. 

Zardap shekkender joq.

- 16 aqpanda «Maxi Mall» saýda úıiniń ǵımarat ishinde aspaly tóbe qulap túsýine baılanysty «103» jelisi boıynsha «112» dıspetcherinen shaqyrý tústi. Jedel járdem brıgadasy oqıǵa ornyna 7 mınýt ishinde jetti. Qazirgi ýaqytta jedel medıtsınalyq járdem brıgadasy oqıǵa ornynda kezekshilikte. Zardap shekkender joq, - dedi Pavlodar oblysy Densaýlyq saqtaý basqarmasynan.

Eske salsaq keshe Taraz qalasynda saýda ortalyǵyna jarylǵysh zat qoıyldy degen habar tarap, ondaǵy adamdar evakýatsııalanǵan edi. Jambyl oblysy PD tekserý nátıjesinde eshqandaı jarylǵysh zat tabylmaǵanyn aıtty.