Ekibastuzda saýda úıi órtendi

PAVLODAR. KAZINFORM - Tilsiz jaý jıhazǵa, saýda jabdyqtaryna, taýarlyq zattarǵa jáne qabyrǵalarǵa zaqym keltirip, 200 sharshy metr aýmaqty sharpyǵan.

Ekibastuz qalasynda «Pıramısa» saýda úıi órtendi.

- Búgin Ekibastuz qalasyndaǵy Máshhúr Júsip kóshesinde eki qabatty saýda úıinde órt shyqty. Jalyn jıhazǵa, saýda jabdyqtaryna, zattarǵa jáne qabyrǵalarǵa zaqym keltirgen. Jalpy aýmaǵy 200 sharshy metr aýmaqty qamtyǵan. Órt sóndirýshilerdiń jedel áreketteriniń arqasynda órt qysqa merzimde sóndirildi, - dep habarlady Pavlodar oblysy Tótenshe jaǵdaılar departamentiniń baspasóz qyzmetinen.

Órtten zardap shekkender joq. Oqıǵa kezinde ǵımaratta eshkim bolmaǵandyqtan, evakýatsııa sharalary júrgizilmegen. Mamandar oqıǵanyń sebep-saldaryn anyqtap jatyr.

Eske sala keteıik, buǵan deıin Ekibastuzda saýda úıiniń tóbesi opyrylyp qalǵan edi.