Ekibastuzda polıtsııa bólimshesinde er adamnyń denesi tabyldy
ASTANA. KAZINFORM — Áleýmettik jelide polıtsııa bólimshesinde túsirilgen kadrlar tarady: onda er adamnyń tergeý kamerasynda es-tússiz jatqanyn kórýge bolady.
Vıdeoda Solnechnyı kentiniń 37 jastaǵy turǵyny úıiniń janynda ustalǵany aıtylǵan. Jarty saǵattan keıin polıtsııa onyń anasyna qońyraý shalyp, kelýin suraǵan.
Týystary bólimshege jetkende temir tordyń ar shetinde er adamnyń sholaq shalbarynyń baýyna asylyp qalǵanyn kórgen.
Pavlodar oblystyq polıtsııa departamenti 11 tamyzda ýchaskede bul oqıǵanyń bolǵanyn rastady.
Mas er adamnyń úıdiń aýlasynda qoǵamdyq tártipti buzyp buzyp, áıeline kúsh qoldanamyn dep qorqytqany týraly habar túsken. Ol ustalyp, polıtsııa bólimshesine jetkizildi.
— Er adamnyń buryn sottalǵany jáne birneshe ret ákimshilik jaýapkershilikke tartylǵany belgili boldy. Quqyq buzýshy arnaıy bólmege ornalastyryldy, keıin es-tússiz kúıinde tabyldy. Medıtsınalyq kómek kórsetilgenine qaramastan, er adam qaıtys boldy. Beınejazbalar tekserilip jatyr, — dep habarlady Pavlodar oblystyq polıtsııa departamenti.
Osyǵan deıin Ekibastuzda páterlerdiń birinen aıýandyqpen óltirilgen áıel adamnyń múrdesi tabylǵanyn habarlanbyz.
