Ekibastuzda páterlerdiń birinen aıýandyqpen óltirilgen áıel adamnyń múrdesi tabyldy
PAVLODAR. KAZINFORM — Oblystyq polıtsııa departamentiniń málimetinshe, kúdikti ustalyp ýaqytsha ustaý ızolıatoryna qamalǵan. Oqıǵanyń mán-jaıy men sebepteri tergeý barysynda anyqtalatyn bolady.
Ekibastuzdaǵy Áýezov kóshesi, 24-shi úı mekenjaıyndaǵy páterlerdiń biriniń esigin polıtsııanyń Jedel-qutqarý jasaǵynyń qutqarýshylary buzyp kirýge májbúr bolǵan. Páter ishinen zorlyq-zombylyqpen óltirilgen áıel adamnyń múrdesi (aıaq-qoldarynyń joǵarǵy jáne tómengi jaqtary kesilgen) tabylǵan. Qazirgi ýaqytta oqıǵa ornynda jedel tergeý toby jumys istep jatyr.
— Polıtsııa adam óltirý deregi boıynsha qylmystyq is qozǵady. Kúdikti ustalyp, ýaqytsha ustaý ızolıatoryna qamaldy. Oqıǵanyń mán-jaıy men sebepteri tergeý barysynda anyqtalatyn bolady, — dep habarlady óńirlik polıtsııa departamentinen.
Tártip saqshylary QR Qylmystyq-protsestik kodeksiniń 201-babyna sáıkes ózge aqparat jarııa etýge jatpaıtynyn málimdedi.
Eske sala keteıik, BQO-da sáýir aıynda joǵalyp ketken er adamnyń múrdesi tabyldy.
