Ekibastuzda mektep stadıonynan er adamnyń múrdesi tabyldy

PAVLODAR. KAZINFORM – Polıtsııa oqys oqıǵa boıynsha qylmystyq is qozǵalǵanyn habarlady.  

Екібастұзда мектеп стадионынан ер адамның мүрдесі табылды
Фото: Павлодар облысы ТЖД

Ekibastuzdaǵy №13 orta mekteptiń stadıonynan er adamnyń múrdesi tabyldy. Jedel járdem qyzmeti er adamnyń boıynda tirshilik belgileri joq ekenin naqtylaǵan.

– Atalǵan oqıǵa boıynsha qylmystyq is qozǵaldy. Qaıtys bolǵan adamnyń denesinde zorlyq-zombylyq belgileri joq. Er adamnyń ólimine qatysy bolýy múmkin jaǵdaılar anyqtalyp jatyr. Ólimge ne sebep bolǵany tergep-tekserý sharalarynan soń belgili bolady, - dep habarlady Pavlodar oblystyq polıtsııa departamentiniń baspasóz qyzmetinen.

Eske sala keteıik, jýyqta Ekibastuzda bala ólimine qatysty qylmystyq is qozǵalǵan bolatyn. Sábıdiń anasy 1 jas 9 aı tolǵan jetkinshegi dárigerlerdiń qateliginen kóz jumǵanyn, soǵan oraı kináli medıtsına qyzmetkerlerin jazalaýdy suraǵan.

Al aqpan aıynda Ekibastuzdaǵy saýda ortalyǵynyń tóbesi opyrylýynan 5 adam zardap shekti. 

Сейчас читают