Ekibastuzda medıtsına qyzmetkerleri jetkenshe áıel qyzyn úıde bosandyryp alǵan
PAVLODAR. KAZINFORM - Salmaǵy shamamen 3 keli, boıy 50 sm qyz bala dúnıege aman-esen kelgen. Jedel járdem ana men balany perzenthanaǵa jetkizdi.
Ekibastuz qalasynda anasy óz qyzyn úıde bosandyryp alýǵa májbúr bolǵan.
- Tańǵy saǵat 06:05-te 103 pýltine shuǵyl qońyraý tústi. Shaqyrtýdan keıin bes mınýt ishinde medıtsına qyzmetkerleri oqıǵa ornyna jetti. Deı turǵanmen jedel járdem jetkenshe salmaǵy shamamen 3 keli, boıy 50 sm qyz bala dúnıege kelgen. Belgili bolǵandaı, áıeldi anasy bosandyryp alǵan. Jylýlyq tizbekti saqtaı otyryp, medıtsınalyq brıgada ana men jańa týǵan sábıdi turaqty jaǵdaıda qalalyq perzenthanaǵa jetkizdi, - dep habarlady óńirlik jedel járdem stansasynan.
Dárigerler medıtsınalyq mekemeden tys jerde bosaný sátti ótkenimen de ana men bala úshin kóptegen qaýip-qaterge toly ekenin aıtady.
- Úı jaǵdaıynda asqyný týyndaǵan kezde bilikti medıtsınalyq kómek kórsetý is júzinde múmkin emes. Onyń úıde bosanýǵa qajetti tazalyqqa talapqa saı bola bermeıdi. Sondyqtan bolashaq analardy óz densaýlyǵy men sábıiniń ómirin qaterge tikpeı, bosaný úderisin mamandandyrylǵan statsıonarlarda kásibı mamandarǵa senip tapsyrǵany durys, – deıdi oblystyq 103 stansasy basshysynyń orynbasary Irına Mışenko.
Eske sala keteıik, Pavlodarda júkti áıelderge arnalǵan pansıonat ashyldy.