Ekibastuzda quny 235 mln teńgeden asatyn kólik memleketke qaıtaryldy
ASTANA. KAZINFORM — Ekibastuzda kommýnaldyq tehnıkaǵa qatysty daý memleket paıdasyna sheshildi, dep habarlaıdy qalalyq prokýratýranyń baspasóz qyzmeti.
Qalalyq prokýratýra memleket tarapynan múlikke quqyqtardy satyp alý kezinde zańdylyqtyń saqtalýyna taldaý júrgizdi.
2024 jyly «Ekibastuzteploenergo» JShS-nen qalalyq ákimdiktiń kommýnaldyq menshigine jalpy balanstyq quny 5,34 mlrd teńge bolatyn memlekettik múlik qabyldanǵan.
Alaıda jergilikti atqarýshy organ tarapynan 21 avtokólik quralyna menshik quqyǵy tirkelmegen, bul keıinnen azamattyq-quqyqtyq qatynastarǵa baılanysty 82 atqarýshylyq is júrgizý sheńberinde tyıym salýǵa negiz bolǵan.
— Qadaǵalaý aktisi boıynsha ákimdik talap-aryz jumystary júrgizilip, sot sheshimimen aýyrtpalyqtar alynyp tastaldy, nátıjesinde quny 235 mln teńgeden asatyn múlik memlekettik menshikke qaıtaryldy. Atalǵan arnaıy tehnıka qalanyń kommýnaldyq qajettilikteri úshin paıdalanylatyn bolady, — delingen habarlamada.
Osydan buryn Ekibastuzda memlekettik qyzmetshiler qumar oıyndaryn oınaǵanyn jazǵanbyz.
