Ekibastuzda kólik jóndeıtin stansada órt shyǵyp, eki kólik janyp ketti
PAVLODAR. KAZINFORM - Ekibastuz qalasynda ornalasqan tehnıkalyq qyzmet kórsetý stansalarynyń birinde órt shyǵyp, ishinde turǵan kólikter órtengen. Eki kólik janyp ketse, taǵy ekeýine zaqym kelgen.
Bul týraly Pavlodar oblysynyń tótenshe jaǵdaılar departamentinen habarlady.
- 24 jeltoqsan kúni saǵat saǵat 18.15-te Ekibastuz qalasynda birqabatty TQQS janyp jatqandyǵy týraly habarlama kelip túsken. Shaqyrýǵa barǵan órt sóndirýshiler jalpy aýdany 60 sharshy metr bolatyn ǵımarat pen ishinde turǵan 4 kóliktiń janyp jatqanyn anyqtady. Órt sóndirýshilerdiń jedel jáne úılesimdi áreketteriniń arqasynda órt jedel túrde sóndirildi. Zardap shekkender joq, órttiń sebebi men keltirilgen zalaly anyqtalyp jatyr, - dep málimdedi departamenttiń baspasóz qyzmetinen.
Jalyndy sóndirýge tótenshe jaǵdaı departamentiniń kúshteri men quraldarynan 11 qyzmetker jáne 4 tehnıka jumyldyryldy.
Belgili bolǵandaı, tilsiz jaýdyń saldarynan 2 kólik janyp ketken. Taǵy 2 kólik órttiń ystyq lebinen zaqymdanǵan.
Eske sala keteıik, Pavlodarda páter órtenip, zeınetker kóz jumǵan edi.