Ekibastuzda toıǵa jınalǵan qonaqtar tamaqtan jappaı ýlanyp qaldy

PAVLODAR. KAZINFORM - Sońǵy eki kúnde Ekibastuz qalalyq aýrýhanasyna jalpy sany 32 adam qaralǵan. Olardyń barlyǵynda tamaqtan ýlaný jáne bakterıaldy-ishek ınfektsııalary belgileri bolǵan.

Bul týraly Pavlodar oblysy densaýlyq saqtaý basqarmasynyń baspasóz qyzmeti habarlady.

«2024 jylǵy 14 sáýirden beri Ekibastuzdaǵy qalalyq aýrýhanaǵa patsıentter tamaqtan ýlaný jáne bakterıaldy-ishek ınfektsııalary belgilerimen jappaı kele bastaǵan. Olardyń boıynda qusý, álsizdiktiń dendeýi, ish qurylysynyń aýyrýy, dene qyzýynyń kóterilýi belgileri bar. Epıdemıologııalyq anamnezdi jıystyra kelgende olardyń barlyǵy 13 sáýir kúni Ekibastuz qalasyndaǵy áldebir dámhanada ótken sharada qonaq bolǵany anyqtaldy. Patsıentter qabyldaý bóliminde qaralýdan ótken soń barlyǵyna shuǵyl túrde medıtsınalyq kómek kórsetilip (asqazandary shaıyldy), juqpaly aýrýlar bólimshesine jatqyzyldy. 14 sáýirden beri aýrýhanaǵa osyndaı dıagnozben jalpy sany 32 adam kelgen», dep málimdedi baspasóz qyzmetinen.

Belgili bolǵandaı, emdeý uıymyna qaralǵan 32 adamnyń tórteýi aýrýhanaǵa jatýdan óz erkimen bas tartqan. Ózgeleri qazirgi ýaqytta em qabyldap jatyr. Naýqastardyń jaǵdaıy ortasha aýyr delinip otyr.

https://t.me/ekibasvteme telegram arnasynyń habarlaýynsha, 13 sáýir kúni «Grand Hall» meıramhanasynda ótken qyz uzatý toıyna 200-den astam qonaq qatysqan. Olardyń kóbi Qaraǵandy, Astana, Pavlodar jáne Aqsý qalalarynan kelgen.