Ekibastuzda qazaqtyń salt-dástúrin nasıhattaıtyn «Shańyraq» etnoqalashyǵy iske qosyldy
PAVLODAR. KAZINFORM — Bıyl jazǵy ýaqytta «Qaınar» bilim berý jáne bos ýaqytty qamtý kesheniniń aýmaǵynda oqýshylar qazaq halqynyń baı mádenıetimen, salt-dástúrlerimen tanysady. Munda jazǵy ýaqytta jumys isteıtin etnoqalashyq ashyldy.
«Shańyraq» etnoqalashyǵy — qalanyń № 7, 16, 18, 22, 25, 33 orta mektepteriniń aýmaǵynda ornalasqan, alty kıiz úıden turatyn keshen.
Etnojoba Dostyq úıi, «Atamura» mekemeleriniń, qalalyq ólketaný mýzeıi, jastar bastamalaryn damytý ortalyǵy jáne «Ekibastuz» QBQ uıymynyń qoldaýymen iske asty.
— Etnoqalashyq aıasynda qazaqtyń qolóneri, mýzyka, bı jáne aspazdyq óneri boıynsha sheberlik sabaqtary ótkiziledi. Balalar ınteraktıvti aımaqtar, kórmeler men sheberlik sabaqtar arqyly qazaq halqynyń dástúrlerimen, qolónerimen tanysady. Balalar dástúrli qazaq oıyndaryn oınap, saıystarǵa qatysady, taza aýada altybaqan teýip, ulttyq taǵamdardan dám tatyp, ýaqytyn tıimdi ótkizedi, — deıdi Ekibastuz qalalyq bilim bóliminiń basshysy Laýra Dısıýpova.
Joba qalanyń bilim mekemeleriniń 4-6 synyp oqýshylaryna arnalǵan, jalpy sany 600 balany qamtıdy.
Eske sala keteıik, bıyl elimizde 3 mln-ǵa jýyq oqýshy jazǵy demalysyn lagerde ótkizedi.
