Ekibastuzda KamAZ ben jeńil kólik soqtyǵysyp, eki adam qaza tapty
PAVLODAR. KAZINFORM - Jol-kólik oqıǵasynan taǵy bir adam jaraqat alǵan. Polıtsııa qaıǵyly jaǵdaı boıynsha qylmystyq is qozǵady.
Aldyn ala málimetterge sáıkes, 12 jeltoqsan kúni «Ekibastuz–Solnechnyı» avtojolynyń 10-shy shaqyrymynda tirkemesi bar Kamaz júk kóligi qarsy jolaqqa shyǵyp, Great Wall avtokóligimen soqtyǵysqan.
- Kóktaıǵaq saldarynan eki kólik te jol jıegine shyǵyp ketip aýdarylǵan. Oqıǵa saldarynan eki adam qaza taýyp, taǵy bir adam jaraqat alǵan. Polıtsııa atalǵan derek boıynsha qylmystyq is qozǵady. Kamaz júrgizýshisi ýaqytsha ustaý ızolıatoryna qamaldy. Avtokólikter arnaıy aıypturaqqa qoıyldy, - dep habarlady óńirlik polıtsııa departamentinen.
Tártip saqshylary qaıǵyly oqıǵanyń mán-jaıy men sebepteri tergeý barysynda anyqtalatynyn aıtady.
Polıtseıler jazataıym oqıǵalardyń aldyn alý úshin jol qozǵalysyna qatysýshylaryna jyldamdyq rejımin qatań saqtaýdy, kólik quralynyń tehnıkalyq jaǵdaıyn baqylaýdy jáne aýa raıy ózgergende saq bolýdy eskertedi.
Eske sala keteıik, Pavlodarda ÝAZ kóligi traktor tirkemesimen soqtyǵysyp, jolaýshy kóz jumdy.