Ekibastuzda ekologııalyq talaptardy buzǵan kásiporyn 70 mln teńgege jýyq aıyppul tóledi
ASTANA. KAZINFORM- Ekibastuz óńirinde ekologııalyq zańnama talaptaryn buzǵan kásiporyndarǵa aıyppul salyndy, dep habarlaıdy Pavlodar oblysynyń prokýratýrasy.
«Ekibastuz GRES-1» JShS kúl-qoj qaldyqtaryn arnaıy belgilengen orynnan tys jerge tókkeni úshin 500 aılyq eseptik kórsetkish mólsherinde aıyppul tólese, basqa ónerkásiptik kásiporynǵa atmosferaǵa lastaýshy zattardy belgilengen normadan artyq shyǵarǵany úshin 70 mln teńgege jýyq aıyppul salyndy. Sot aktileri zańdy kúshine enip, aıyppuldar tólendi.
Tabıǵat qorǵaý prokýratýrasy Ekibastuz óńirindegi jer ýchaskelerine kózben sholý júrgizý barysynda GRES-1 stantsııasynyń kúl-qoj qaldyqtaryn tasymaldaý qubyryna irgeles aýmaqta qaldyqtardyń jınalǵanyn anyqtady. Buǵan kómir jaǵý kezinde paıda bolatyn qaldyqtar men sýdyń qospasynyń aǵyp ketýi sebep bolǵan.
Osylaısha, kúl-qoj qaldyqtary arnaıy belgilengen orynnan tys jerge tógilgen. Bul ekologııalyq zańnama talaptaryn buzý bolyp tabylady.
Atalǵan fakti boıynsha oblystyń ekologııa salasyndaǵy ýákiletti organyna zań buzýshylyqtardy joıý týraly usyný engizildi. Ekologııa departamenti «Ekibastuz GRES-1» JShS-ne qatysty Ákimshilik quqyq buzýshylyq týraly kodekstiń 344-babynyń 3-bóligi boıynsha ákimshilik materıal toltyrdy.
Ekibastuz qalalyq sotynyń qaýlysymen kásiporyn ákimshilik jaýaptylyqqa tartylyp, 500 aılyq eseptik kórsetkish mólsherinde aıyppul salyndy.
Budan bólek, basqa ónerkásiptik kásiporynǵa atmosferaǵa lastaýshy zattardy belgilengen normadan artyq shyǵarǵany úshin 70 mln teńgege jýyq aıyppul salyndy.
Sot aktileri zańdy kúshine enip, salynǵan aıyppuldar tólendi.
Osyǵan deıin ShQO-da ekologııalyq tekserýden soń 12 aýyldyq okrýg ákimi jazalanǵany týraly jazdyq.
