Ekibastuzda ekinshi synyp oqýshysy kópqabatty úıdiń terezesinen qulap ketti

PAVLODAR. KAZINFORM – Ekibastuzda kópqabatty úıdiń tórtinshi qabatynan qulaǵan 2-synyp oqýshysy qazirgi ýaqytta jergilikti aýrýhananyń jansaqtaý bóliminde jatyr. 

Jazataıym oqıǵa búgin Ekibastuzda bolǵan. Jasóspirim ashyq turǵan terezedegi shybynnan qorǵaıtyn torǵa súıenbekshi bolǵanda tormen birge syrtqa qulap ketken. 

– Jazataıym oqıǵa týraly shaqyrtý jedel járdemge saǵat 13.48-de tústi. Ol kópqabatty úıdiń tórtinshi qabatynan qulaǵan. 2017 jylǵy týǵan qyz bala birden Ekibastuz qalalyq aýrýhanasyna jetkizildi, - dep habarlady óńirlik jedel járdem stansasynan.

Dárigerler oqýshynyń jansaqtaý bóliminde jatqanyn, jaǵdaıy aýyr ekenin aıtady.

Bıyl Ekibastuzda balalardyń joǵarǵy qabattan qulaý oqıǵalary jıilep ketken. Jyl basynan óńirde 6 bala terezeden abaısyzda qulap, onyń ekeýi kóz jumdy.

Buǵan deıin Ekibastuzda úsh jasar balanyń terezeden qulap ketkeni týraly jazǵan edik.