Ekibastuzda daýyldan zardap shekken áıeldi qutqarý múmkin bolmady
ASTANA.KAZINFORM — Qulaǵan aǵash áıeldi basyp qalyp, dárigerler bes kún boıy onyń ómiri úshin kúresti, dep habarlaıdy Kazinform agenttiginiń tilshisi.
Densaýlyq saqtaý basqarmasynyń málimetinshe, 76 jastaǵy áıel Ekibastuz qalalyq aýrýhanasyna 19 maýsym kúni daýyl kezinde jetkizilgen.
Jábirlenýshiniń ózi jeke úıdiń aýlasynda qulaǵan aǵash astynda qalyp qoıǵanyn túsindirdi. Kenshiler qalasynyń turǵyny kóptegen jaraqatpen jansaqtaý bólimine jatqyzyldy.
— Qarqyndy emdeýge qaramastan, alǵan jaraqattarynyń aýyrlyǵyna, sondaı-aq sozylmaly aýrýlardyń (júrek-qan tamyrlary aýrýlary, qant dıabeti) bolýyna baılanysty naýqastyń júregi toqtap qaldy. Ol reanımatsııada bes kún jatty, — dep habarlady Pavlodar oblysynyń densaýlyq saqtaý basqarmasy.
Aıta keteıik, 19 maýsymda Pavlodar oblysynda daýyl soǵyp, júzdegen aǵash qulap, ǵımarattardyń shatyryn julyp ketken bolatyn. Dárigerler 16 adamnyń, onyń ishinde úsh bala zardap shekkenin habarlady. 19 maýsym kúni Aqsý qalasynda qatty jelden qulaǵan aǵash áıeldi mert qyldy.